ᐃᓚᐅᔪᖕᖑᕈᓐᓇᐳᑎᑦ

ᖃᕝᕕᕕᒃ ᖄᖕᖏᕐᓂᑯᓕᐅᕐᑎᐅᒐᓂ ᑎᒥᐅᕗᖅ ᐃᓄᓐᓄᑦ ᑯᐯ ᓯᕿᓂᖓᓂᒥᐅᓄᑦ ᐱᒋᔭᐅᑦᓱᓂ.  ᑲᑎᒪᔨᕗᑦ ᓂᕈᐊᕐᑕᐅᓲᑦ ᑎᒥᐅᔪᒧᑦ ᐃᓚᐅᔪᓄᑦ, ᐱᓇᓱᑦᑎᖏᓪᓗ ᓄᓇᓕᒻᒥᑦ ᐱᔪᓂᒃ ᐱᒍᑦᔨᒍᑎᑦᓴᐅᓂᐊᕐᑐᓂᒃ ᐸᕐᓀᒍᓐᓇᓲᑦ.  ᙯᖁᔨᕗᒍᑦ ᓇᒻᒥᓂᖅ ᓇᓗᓀᕐᑐᓂᒃ ᐃᓅᓂᕋᕐᓂᒧᑦ ᓄᓇᓯᒪᓪᓚᕆᑦᑐᓂᒃ ᑯᐯ ᓯᕿᓂᖓᓂ ᐃᓚᐅᔪᖕᖑᖁᑦᓱᒋᑦ ᐃᑲᔪᕐᓯᒪᓂᐊᕋᒥᒃ ᐅᕙᑦᑎᓂᒃ ᖃᓄᐃᓘᕈᑎᑦᓴᓂᒃ ᓴᓇᑎᓪᓗᑕ ᐱᒍᑦᔨᒍᑎᑦᓴᓂᓪᓗ ᓄᓇᓕᐅᑉ ᐱᒍᒪᔭᖏᓐᓂᒃ ᑭᖕᖒᒪᒋᔭᖏᓐᓂᓗ.  ᐃᓅᑐᐊᕈᕕᑦ ᓄᓇᓯᒪᔪᓪᓚᕆᐅᓗᑎᑦ ᖃᓪᓗᓈᑦ ᓄᓇᖓᓂ, ᑐᖕᖓᓱᓪᓗᑎᑦ ᐃᓚᐅᓕᕈᓐᓇᐳᑎᑦ.  ᐃᓘᓐᓇᑲᓴᑎᒃ ᐃᓄᐃᑦ ᖃᓪᓗᓈ ᓄᓇᖓᓂᒥᐅᑦ ᐃᓚᐅᔫᒍᑎᖃᕐᐳᑦ ᓇᓪᓕᑐᐃᓐᓇᖓᓂ ᓯᑕᒪᓂ ᓄᓇᑖᕐᓂᒧᑦ ᐊᖏᖃᑎᒌᒍᑎᖃᕐᓯᒪᔪᓂ ᐱᓯᒪᑦᓱᑎᒃ ᐃᓄᐃᑦ ᓄᓇᖓᓐᓂ.   ᖃᕝᕕᕕᒃ ᐃᓕᑕᕆᔭᖃᕐᑐᓱᖅ ᐃᓄᐃᑦ ᐃᓚᐅᔫᔪᓕᒫᑦ ᑖᑦᓱᒧᖓ ᑎᒥᐅᔪᒧᑦ ᐃᓚᐅᒍᓐᓇᕆᐊᖏᓐᓂᒃ.  ᐊᓪᒪᓗᒋᐊᓪᓚᒃ, ᐃᓱᒪᒋᔭᖃᕈᓐᓇᒥᔪᒍᑦ ᐃᓚᐅᔫᖕᖏᑐᓂᒃ ᐃᓚᐅᔪᖕᖑᕈᓐᓇᒪᖔᑕ ᐊᑕᐅᓯᐅᓈᕐᑎᑎᓪᓗᒋᑦ ᕿᒥᕐᕈᖃᑦᑕᓗᒋᑦ.  ᐃᓘᓐᓈᒍᑦ, ᐃᓚᐅᔫᓂᖅ ᐃᕐᐸᑎᑕᐅᒋᐊᕈᓐᓇᑐᖅ ᓇᐅᑐᐃᓐᓇᓄᑦ ᑕᑯᑦᓴᐅᒍᑎᖃᕐᓯᒪᔪᓄᑦ  ᐃᓚᒌᓄᑦ ᐱᑐᑦᓯᒪᒋᐊᒥᒃ ᐃᓄᐃᑦ ᓄᓇᓕᖓᓂ ᖃᓪᓗᓈᓂᐅᒐᓗᐊᕐᐸᑦ ᑕᕐᕋᒥᐅᒐᓗᐊᑉᐸᑦ, ᐃᓕᑕᕆᔭᐅᓗᓂᓗ ᓄᓇᓕᒻᒧᑦ ᐃᓚᐅᒋᐊᖓ.

​

ᖃᐅᔨᒪᕗᒍᑦ ᐃᓄᕐᕉᔮᕋᓱᐊᕐᑐᖃᕐᐸᒪᑦ ᖃᒻᒥᖅ ᐃᕙᓪᓕᖁᑎᑖᕈᒪᑦᓱᑎᒃ ᐱᒋᐊᖃᖕᖏᑕᒥᓂᒃ.  ᐱᓇᓱᑦᑐᒍᑦ ᒫᓐᓇ ᖃᓄᐃᓕᖓᒋᐊᖃᓚᖓᓂᖓᓂᒃ ᐃᓚᐅᔫᓂᐅᑉ ᓄᓇᓕᒻᒧᑦ ᐅᒃᑯᐃᖔᕐᓗᓂ ᒐᓗᐊᕈᓂ ᐃᓚᐅᑎᑦᓯᓂᐊᖕᖏᑐᒥᒃ ᐅᐃᕖᕐᕆᓯᒐᓱᐊᕐᑐᓂᒃ ᐃᓄᕐᕉᔮᕋᓱᐊᕐᓂᒧᑦ.